തിരുവനന്തപുരം. നിരവധി ക്രമിനല്‍കേസുകളിലെ പ്രതി എംഡിഎംഎയുമായി അറസ്റ്റില്‍. 1.27 ഗ്രാം എംഡിഎംഎയുമായി തൃശൂർ ഇരിഞ്ഞാലക്കുട സ്വദേശി ജോയല്‍ തോമസ് (28) ആണ് അറസ്റ്റിലായത്.
ആറ്റിങ്ങല്‍ ഡിവൈഎസ്പിക്ക് ലഭിച്ച രഹസ്യവിവരത്തിന്റെ അടിസ്ഥാനത്തില്‍, ഡാൻസാഫ് ടീം നടത്തിയ നീക്കത്തിനൊടുവിലാണ് പ്രതി പിടിയിലായത്. കീഴായിക്കോണത്തുള്ള ഭാര്യവീടിന് സമീപത്തുനിന്നാണ് ഡാൻസാഫ് ടീം ഇയാളെ പിടികൂടിയതെന്ന് പൊലിസ് പറഞ്ഞു.
തുടർനടപടികള്‍ക്കായി പ്രതിയെ വെഞ്ഞാറമൂട് പൊലിസിന് കൈമാറി. വെഞ്ഞാറമൂട് പൊലിസ് നടത്തിയ വിശദമായ അന്വേഷണത്തിലാണ് ഇയാള്‍ നിരവധി കേസുകളില്‍ പ്രതിയാണെന്ന് കണ്ടെത്തിയത്.
തൃശൂർ ജില്ലയിലെ രണ്ട് പൊലീസ് സ്റ്റേഷനുകളില്‍ രാസലഹരിയുമായി ബന്ധപ്പെട്ട കേസുകളും, മറ്റ് വിവിധ സ്റ്റേഷനുകളിലായി അക്രമ സംഭവങ്ങള്‍ ഉള്‍പ്പെടെ നാലോളം കേസുകളും ഇയാളുടെ പേരിലുണ്ടെന്ന് പൊലിസ് കണ്ടെത്തി. കോടതിയില്‍ ഹാജരാക്കിയ ഇയാളെ റിമാൻഡ് ചെയ്തു.
Leave a Reply