ആലപ്പുഴ. ഫയർഫോഴ്സ് വാഹനത്തിന് വഴി നല്‍കാത്ത കാർ ഉടമയ്ക്കെതിരെ പോലീസ് നടപടി. തുറവൂർ ആശുപത്രിയിലെ തീപിടിത്തം അണയ്ക്കാൻ പോയ ഫയർഫോഴ്സ് യൂണിറ്റിന് തടസ്സമുണ്ടാക്കിയ സംഭവത്തിലാണ് പട്ടണക്കാട് പോലീസ് കേസെടുത്തത്.കുത്തിയതോട് കോടന്തുരുത്ത് സ്വദേശി സുജിത്തിനെതിരെയാണ് നടപടി. ഇയാളെ പോലീസ് സ്റ്റേഷൻ ജാമ്യത്തില്‍ വിട്ടയച്ചു. ആലപ്പുഴ ഫയർ ആൻഡ് റെസ്ക്യൂ എസ്.എച്ച്‌.ഒ ജില്ലാ പോലീസ് മേധാവിക്ക് നല്‍കിയ പരാതിയുടെ അടിസ്ഥാനത്തിലാണ് കേസ്. സുജിത്തിന്റെ കാർ പോലീസ് കസ്റ്റഡിയിലെടുത്തു. ഇയാളുടെ ലൈസൻസും റദ്ദാക്കി.അപകടകരമായ രീതിയില്‍ വാഹനം ഓടിച്ചതിന് ഭാരതീയ ന്യായ സംഹിത... Continue Reading →

തിരുവനന്തപുരം: നിർത്തിയിട്ടിരുന്ന ക്രെയിനിന് പിന്നില്‍ സ്കൂള്‍ ബസ് ഇടിച്ച്‌ ഡ്രൈവർ മരിച്ചു. കല്ലമ്പലം സ്വദേശി ഷാജിയാണ് മരിച്ചത്. ഇന്ന് രാവിലെ കല്ലമ്പലം നാവായികുളത്താണ് അപകടം നടന്നത്. അപകടത്തില്‍ ബസിലുണ്ടായിരുന്ന അഞ്ച് പേർക്ക് പരിക്കേറ്റു. കല്ലമ്പലം ഭാഗത്തേക്ക് അധ്യാപകരുമായി പോവുകയായിരുന്ന അയിരൂർ എംജിഎം സ്കൂളിലെ ബസാണ് അപകടത്തില്‍പ്പെട്ടത്.അപകടം നടന്ന ഉടൻ തന്നെ എല്ലാവരെയും ആശുപത്രിയില്‍ പ്രവേശിപ്പിച്ചെങ്കിലും ഷാജിയുടെ ജീവൻ രക്ഷിക്കാനായില്ല. പരിക്കേറ്റവർ പാരിപ്പള്ളി മെഡിക്കല്‍ കോളജ് ആശുപത്രിയില്‍ ചികിത്സതേടി.

തിരുവനന്തപുരം: പൊതുവിദ്യാലയങ്ങളിൽ വാർഷിക പരീക്ഷയിൽ 30 ശതമാനം മാർക്ക് നേടാത്ത വിദ്യാർഥികൾക്ക് ഹയർസെക്കൻഡറി സേ പരീക്ഷാ രീതിയിൽ പരീക്ഷ നടത്തും. അഞ്ചു മുതൽ ഒൻപതു വരെയുള്ള ക്ലാസുകളിലാണ് വീണ്ടും പരീക്ഷ നടത്താൻ വിദ്യാഭ്യാസ നിലവാര സമിതി തീരുമാനിച്ചത്.ഈ മാസം 28 മുതൽ 30 വരെയായിരിക്കും പരീക്ഷ. ഈ മാസം 20 മുതൽ 27 വരെയുള്ള ദിവസങ്ങളിൽ അധ്യാപകർ വിദ്യാർഥികൾക്ക് പഠന പിന്തുണ നല്കണമെന്നും ക്യുഐപി മീറ്റിംഗിൽ തീരുമാനമായി.

പാലക്കാട്: വിഷു ആഘോഷങ്ങൾക്കിടെ കയ്യിലിരുന്ന ഗുണ്ട് പൊട്ടി യുവാവ് മരിച്ചു. പാലക്കാട് ശ്രീകൃഷ്ണപുരം വെള്ളപ്പാംതൊടി സ്വദേശി ദിലീപ് (34) ആണ് മരിച്ചത്. ഇന്നലെ രാത്രി എട്ടരയോടെയായിരുന്നു സംഭവം.  ക്ലബ്ബ് അംഗങ്ങൾ ചേർന്ന് വിഷു ആഘോഷിക്കുന്നതിനിടെ ദിലീപിന്റെ കയ്യിലിരുന്ന ഗുണ്ട് പൊട്ടുകയായിരുന്നു.ദിലീപിന്റെ കയ്യിൽ ഒന്നിലധികം ഗുണ്ടുകളുണ്ടായിരുന്നു. ഗുണ്ട് പൊട്ടിത്തെറിച്ചത് കയ്യിലുണ്ടായിരുന്ന മറ്റ് ഗുണ്ടുകളിലേയ്ക്ക് പടർന്നതാണ് അപകടത്തിന് കാരണമായതെന്നാണ് നിഗമനം. ഗുണ്ട് പൊട്ടിത്തെറിച്ചതിനെത്തുടർന്ന് ദിലീപിന് ഗുരുതരമായി പൊള്ളലേറ്റിരുന്നു. ഇതിൽ പരിഭ്രാന്തനാവുകയും തുടർന്ന് ഹൃദയാഘാതമുണ്ടാവുകയും ചെയ്തതാണ് മരണത്തിന് കാരണമായതെന്നാണ് പോസ്റ്റുമോർട്ടം റിപ്പോർട്ടിൽ... Continue Reading →

തൃശൂർ: വെള്ളിക്കുളങ്ങര വാസുപുരം, ആളൂർ മാനാട്ടുകുന്ന് ഭാഗങ്ങളിലെ ക്ഷേത്രങ്ങളിൽ മോഷണം നടത്തിയ സംഭവത്തിൽ പതിനഞ്ചു വയസുകാരനെ തൃശൂർ റൂറൽ പോലീസ് പിടികൂടി. ആളൂർ മാനാട്ടുകുന്നിലുള്ള ഹനുമാൻ നവഗ്രഹ ക്ഷേത്രത്തിലാണ് ആദ്യ മോഷണം നടന്നത്. ശ്രീകോവിലിനുള്ളിൽ സൂക്ഷിച്ചിരുന്ന ഒന്നേമുക്കാൽ പവൻ തൂക്കം വരുന്ന രണ്ടു സ്വർണ മണിമാലകളും കൗണ്ടറിൽ നിന്ന് 2,500 രൂപയുമാണ് അന്നു മോഷ്ടിച്ചത്.തുടർന്ന് ഏപ്രിൽ പത്തിനു വെള്ളികുളങ്ങര വാസുപുരം മഹാവിഷ്ണു ശിവക്ഷേത്രത്തിലും സമാനമായ രീതിയിൽ മോഷണം നടന്നു. ചുറ്റമ്പലത്തിന്റെ ഓടു പൊളിച്ച് അകത്തുകടന്ന പ്രതി, താക്കോൽ... Continue Reading →

തൃശൂർ: സ്വർണപ്പണയ സ്ഥാപനങ്ങളിൽ മുക്കുപണ്ടം പണയംവച്ച് പണംതട്ടിയ കേസിൽ യുവാവ് അറസ്റ്റിൽ. അവിണിശേരി കുറുവത്ത് വീട്ടിൽ ഉരുക്ക് എന്ന ശ്രീജിത്തിനെയാണ് (44) ഒല്ലൂർ പോലീസ് അറസ്റ്റു ചെയ്തത്.ഒല്ലൂരിലെ ചെറുകുന്ന് ഫൈനാൻസ് എന്ന സ്ഥാപനത്തിൽ 20.500 ഗ്രാം തൂക്കംവരുന്ന മുക്കുമാല പണയംവച്ച് ഒരുലക്ഷം രൂപയും പുത്തൂർ കെഎൻഎസ് ടവറിൽ പ്രവർത്തിക്കുന്ന കല്ലൂർ ചിറ്റ്‌സ് ആൻഡ് ഫൈനാൻസ് പ്രൈവറ്റ് ലിമിറ്റഡ് എന്ന സ്ഥാപനത്തിൽ 23.400 ഗ്രാം തൂക്കംവരുന്ന മുക്കുമാല പണയംവച്ച് രണ്ടുലക്ഷം രൂപയുമാണ് ഇയാൾ തട്ടിയെടുത്തത്. പിന്നീടു മുക്കുപണ്ടമാണെന്നു മനസിലാക്കിയ... Continue Reading →

തിരുവനന്തപുരം. വിഴിഞ്ഞത്ത് സഹോദരങ്ങൾ ചേർന്ന് യുവാവിനെ മർദ്ദിച്ച് കൊലപ്പെടുത്തി. തിരുവല്ലം വണ്ടിത്തടം സ്വദേശി സുമൻ ആണ് മരിച്ചത്. സംഭവത്തിൽ സഹോദരങ്ങളായ അച്ചു എസ് ബാബു, സൂര്യജിത്ത് അനന്ദു എന്നിവരെ പോലീസ് പിടികൂടി. ബാറിൽ വച്ചുണ്ടായ തർക്കത്തെ തുടർന്നാണ് കൊലപാതകം. രാത്രി 12:45 ന് ആണ് സംഘർഷം നടന്നത്. മദ്യപാനത്തിനിടെ ഇവർ പരസ്പരം തർക്കത്തിലായി. തുടർന്ന് ബാറിന് പുറത്തിറങ്ങിയശേഷം യുവാവിനെ ക്രൂരമായി മർദിക്കുകയായിരുന്നു. സുമനെ ക്രൂരമായി ഇരുവരും മർദിക്കുന്ന ദൃശ്യങ്ങൾ പുറത്തുവന്നിട്ടുണ്ട്. അബോധാവസ്ഥയിലായ യുവാവിനെ റോഡിലിട്ട് ചവിട്ടുകയും മുഖത്ത്... Continue Reading →