തിരുവനന്തപുരം. വിഴിഞ്ഞത്ത് സഹോദരങ്ങൾ ചേർന്ന് യുവാവിനെ മർദ്ദിച്ച് കൊലപ്പെടുത്തി. തിരുവല്ലം വണ്ടിത്തടം സ്വദേശി സുമൻ ആണ് മരിച്ചത്. സംഭവത്തിൽ സഹോദരങ്ങളായ അച്ചു എസ് ബാബു, സൂര്യജിത്ത് അനന്ദു എന്നിവരെ പോലീസ് പിടികൂടി. ബാറിൽ വച്ചുണ്ടായ തർക്കത്തെ തുടർന്നാണ് കൊലപാതകം. രാത്രി 12:45 ന് ആണ് സംഘർഷം നടന്നത്. മദ്യപാനത്തിനിടെ ഇവർ പരസ്പരം തർക്കത്തിലായി. തുടർന്ന് ബാറിന് പുറത്തിറങ്ങിയശേഷം യുവാവിനെ ക്രൂരമായി മർദിക്കുകയായിരുന്നു. സുമനെ ക്രൂരമായി ഇരുവരും മർദിക്കുന്ന ദൃശ്യങ്ങൾ പുറത്തുവന്നിട്ടുണ്ട്. അബോധാവസ്ഥയിലായ യുവാവിനെ റോഡിലിട്ട് ചവിട്ടുകയും മുഖത്ത്... Continue Reading →

കോഴിക്കോട്: കൊ‌‌‌ടുവള്ളിയിൽ സ്കൂട്ടറിൽ കാറിടിച്ച് യുവതിക്ക് ദാരുണാന്ത്യം. കൊടുവള്ളി കച്ചേരി മുക്കിലാണ് സംഭവം. മറിവീട്ടിൽ താഴം സ്വദേശിനി പറയരുകണ്ടി ഹഫ്സത്ത് ആണ് മരിച്ചത്. കിഴക്കോത്ത് കച്ചേരിമുക്കിൽ ഉച്ചയ്ക്ക് 2.30 ഓടെയായിരുന്നു അപകടം നടന്നത്. എളേറ്റിൽ ഭാഗത്തു നിന്നും കൊടുവള്ളി ഭാഗത്തേക്ക് വരികയായിരുന്ന സ്കൂട്ടറിൽ തെറ്റായി എതിർദിശയിൽ വന്ന പന്നൂർ സ്വദേശികൾ സഞ്ചരിച്ച കാറിടിക്കുകയായിരുന്നു. ഇടിയുടെ ആഘാതത്തിൽ സ്കൂട്ടർ രണ്ടായി മുറിഞ്ഞു. ഉടൻ തന്നെ യുവതിയെ കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല.

എറണാകുളം. പനങ്ങാട് വിഷുക്കണി കാണിക്കാനെത്തിയ കുട്ടികള്‍ക്കുനേരെ എയര്‍ ഗണ്‍ ചൂണ്ടിയയാള്‍ക്കെതിരെ കേസ്. പനങ്ങാട് സ്വദേശി ജെല്‍സണെനെതിരെ ആണ് കേസെടുത്തത്. എയര്‍ഗണ്‍ പോലീസ് കസ്റ്റഡിയിലെടുത്തു. പുലര്‍ച്ചെ ഒരുമണിയോടെ അയല്‍വക്കത്തെ കുട്ടികള്‍ കണി കാണിക്കാന്‍ ചെന്നപ്പോഴാണ് ഇയാള്‍ എയര്‍ഗണ്‍ ചൂണ്ടി പേടിപ്പിച്ചത്. പുലര്‍ച്ചെ വീട്ടില്‍ ഉറങ്ങുന്ന കുഞ്ഞുങ്ങളെ ശല്യപ്പെടുത്തിയെന്ന് പറഞ്ഞാണ് ഇയാള്‍ കുട്ടികളെ ഭയപ്പെടുത്താന്‍ എയര്‍ഗണ്ണെടുത്തത്. എന്നാല്‍ ഇയാള്‍ കുട്ടികള്‍ക്കുനേരെ ചൂണ്ടിയ എയര്‍ഗണ്ണില്‍ പെല്ലറ്റ് ഉണ്ടായിരുന്നില്ല.

തിരുവനന്തപുരം:  വേനൽ അവധിക്കാലത്തെ സ്‌പെഷ്യല്‍ ക്ലാസുകള്‍ അനുവദിക്കില്ലെന്ന് വിദ്യാഭ്യാസ മന്ത്രി വി ശിവന്‍കുട്ടി. നിയമലംഘനം നടത്തുന്ന വിദ്യാലയങ്ങള്‍ക്കെതിരെ കര്‍ശന നടപടി സ്വീകരിക്കുമെന്നും മന്ത്രി പറഞ്ഞു. കേരള വിദ്യാഭ്യാസ ചട്ടങ്ങളിലെ വ്യവസ്ഥകള്‍ പ്രകാരം മാര്‍ച്ച് മാസത്തിലെ അവസാന പ്രവൃത്തിദിവസം മുതല്‍ മേയ് മാസം വരെ കുട്ടികള്‍ക്ക് വേനലവധി അനുവദിച്ചിട്ടുള്ളതാണെന്നും അദ്ദേഹം വ്യക്തമാക്കി.

പാലക്കാട്: ശ്വാസനാളത്തില്‍ മുലപ്പാല്‍ കുടുങ്ങി ഒരു വയസുകാരി മരിച്ചു. അസം സ്വദേശികളായ അബ്ദുല്‍സലാം - ഹാബിജ കധോൻ ദമ്പതികളുടെ ഒരു വയസ്സുള്ള പെണ്‍കുഞ്ഞാണ് മരിച്ചത്.പാലക്കാട് റെയില്‍വേ സ്റ്റേഷനിലെ ഫീഡിങ് റൂമില്‍ വെച്ചാണ് കുട്ടിയുടെ തൊണ്ടയില്‍ പാല്‍ കുടുങ്ങിയത്. പാല് കൊടുത്ത ഉടൻതന്നെ കുഞ്ഞിന് ബോധക്ഷയം ഉണ്ടായി. ആശുപത്രിയില്‍ എത്തിച്ചെങ്കിലും രക്ഷിക്കാനായില്ല.

കൊയിലാണ്ടി: കോഴിക്കോട് കൊയിലാണ്ടിയില്‍ വിഷു ആഘോഷങ്ങള്‍ക്കിടെ പടക്കം പൊട്ടിത്തെറിച്ച്‌ കൊയിലാണ്ടി കൊരയങ്ങാട് തെരുവില്‍ അദ്വൈത് (16) ആണ് മരിച്ചത്. പടക്കം സ്റ്റീല്‍ പാത്രത്തില്‍ വെച്ച്‌ പൊട്ടിക്കാൻ ശ്രമിച്ചതാണ് അപകടത്തിന് കാരണമായത്. യൂട്യൂബില്‍ നോക്കിയാണ് അദ്വൈതും സുഹൃത്തുക്കളും ഈ മാതൃക അനുകരിക്കാൻ ശ്രമിച്ചത്. ക്ഷേത്ര മൈതാനത്ത് വെച്ചായിരുന്നു സംഭവം. പ്ലസ് വണ്‍ വിദ്യാർഥിയായിരുന്നു അദ്വൈത്.പടക്കം കയ്യിലിരുന്ന് പൊട്ടിത്തെറിച്ചാണ് അപകടമുണ്ടായതെന്നായിരുന്നു ആദ്യം വന്ന വാർത്തകള്‍. സ്ഫോടനത്തിന്റെ ആഘാതത്തില്‍ വിദ്യാർത്ഥിക്ക് ഗുരുതരമായി പരിക്കേറ്റിരുന്നു. ഉടൻ തന്നെ ആശുപത്രിയില്‍ എത്തിച്ചെങ്കിലും ജീവൻ രക്ഷിക്കാനായില്ല.... Continue Reading →

അട്ടപ്പാടി. അബ്ബണ്ണൂരിൽ പാറയിടുക്കിൽ കുടുങ്ങിപ്പോയ രണ്ടര വയസ്സുള്ള കുട്ടിയാനയെ അമ്മയാനയുടെ അടുത്തേക്ക് എത്തിക്കാനുള്ള ശ്രമങ്ങൾ തുടരുന്നു.അമ്മയാനയിൽ നിന്ന് വഴിതെറ്റി വന്നതാകാം കുട്ടിയാന പാറക്കെട്ടിനിടയിൽ കുടുങ്ങാൻ കാരണമെന്നാണ് വനംവകുപ്പ് കരുതുന്നത്. സാധാരണയായി കുട്ടിയാനകൾ അപകടത്തിൽ പെട്ടാൽ അമ്മയാനയോ കൂട്ടമോ സ്ഥലത്ത് നിലയുറപ്പിക്കാറാണ് പതിവ്.എന്നാൽ ഇവിടെ അമ്മയാനയുടെ സാന്നിധ്യം കാണാത്തത് കുട്ടിയാന കൂട്ടംതെറ്റി വന്നതാണെന്ന നിഗമനം ഉറപ്പിക്കുന്നു. നിലവിൽ കുട്ടിയാനയുടെ ആരോഗ്യനില വനപാലകർ നിരീക്ഷിച്ചുവരികയാണ്.

കോഴിക്കോട്: പടക്കം പൊട്ടിക്കുന്നതിനിടെ ഗുണ്ട് പൊട്ടിത്തെറിച്ച് വിദ്യാര്‍ത്ഥിക്ക് ദാരുണാന്ത്യം. കൊയിലാണ്ടി കൊരയങ്ങാട് തെരുവില്‍ എടക്കോടന്‍ വീട്ടില്‍ അദ്വൈത് (16) ആണ് മരിച്ചത്. വീടിന് സമീപത്തുള്ള ഗ്രൗണ്ടില്‍ സുഹൃത്തുക്കള്‍ക്കൊപ്പം പടക്കം പൊട്ടിക്കുന്നതിനിടയില്‍ ഗുണ്ട് കൈയില്‍നിന്ന് പൊട്ടിത്തെറിക്കുകയായിരുന്നു. ഉടന്‍ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാന്‍ ആയില്ല.

തിരുവനന്തപുരം: ചൂട് കനത്തതോടെ സംസ്ഥാനത്തെ വൈദ്യുതി ഉപയോഗം റെക്കോർഡിലേക്ക്. ചരിത്രത്തിലാദ്യമായി സംസ്ഥാനത്തെ വൈദ്യുതി ഉപയോഗം 6,000 മെഗാവാട്ട് കടന്നു. ചൊവ്വാഴ്ച വൈകുന്നേരമാണ് വൈദ്യുതി ഉപയോഗം 6,012 മെഗാവാട്ട് ആയത്. ഏപ്രിൽ 13ന് രേഖപ്പെടുത്തിയ 5,933 മെഗാവാട്ടായിരുന്നു മുൻ  റെക്കോർഡ്.ചൊവ്വാഴ്ചത്തെ മൊത്തം വൈദ്യുതി ഉപയോഗം 112.52 ദശലക്ഷം യൂണിറ്റ് ആണ്. ക‍ഴിഞ്ഞ വർഷത്തെ അപേക്ഷിച്ച് പ്രതിദിനം എട്ടു ലക്ഷം യൂണിറ്റിന്‍റെ വർധനയാണ് രേഖപ്പെടുത്തിയത്. ചൂട് വർധിച്ചതോടെ വീടുകളിൽ എസി, കൂളർ എന്നിവയുടെ ഉപയോഗം വർധിച്ചതാണ് ഉപയോഗം കൂടാൻ കാരണം.വൈദ്യുതി... Continue Reading →